ආර්තවය නිසි දිනට සිදු නොවීම හෝ අපිළිවෙළ/අක්‍රමවත් ආර්තවය

මේ ලිපිය වැදගත් වේ යයි සිතන මිතුරු/මිතුරියන් අතර share කරන්න පහත icon ක්ලික් කරන්න

ආර්තවය නිසි දිනට සිදු නොවීම ගර්භනී වීමට සැලසුම් කරන හෝ නොකරන ඕනෑම කාන්තාවක් භීතියට පත් කරවයි. සැම කාන්තාවකටම නිසි දිනට ආර්තවය සිදු නොවේ. එම නිසා ඒ පිළිබද භීතියට පත් විය යුතුද නැද්ද යන වෙනස පිළිබද දැනුවත්ව සිටීම වැදගත් වේ. මෙමෙ ලිපිය මගින් නිසි දිනට සිදු නොවන හෝ අක්‍රමවත් ආර්තවය පිළිබද කරුණු කිහිපයක් පහදනු ලැබේ

ආර්තවය පිළිබද කරුණු කිහිපයක්

ඔබේ ආර්තව චක්‍රයේ මසකට වරක් ශරීරය ඩිම්බයක් නිකුත් කරයි. එයට ශුක්‍රාණුවක් හමුවී සන්සේචනය වුවහොත් පමණි දරුවකු පිළිසිඳ ගනු ලබන්නේ. යම් ආකාරයකින් එය සිදු වුවහොත් ශරීරයේ ඊස්ට්‍රජන් සහ ප්‍රොජේස්ට්‍රෝන් හෝමෝනය ඉහල යාම සිදුවේ. ගර්භාෂ බිත්ති ආස්තරය ගනකම් වීම මගින් ඩිම්බය රෝපණය වීමට ඉඩ සලසයි. එමගින් එයට ආරක්ෂාව සලසා දෙයි. නමුත් ඔබේ ඩිම්බය සංසේචනය නොවුන මාසයක මාසික ආර්තවය මගින් එම ආස්තරය ශරීරයෙන් පිටවීම සිදු වේ. සාමාන්‍යයෙන් කාන්තාවකට සෑම දින 24ත් 31ත් කාලය අතර සිදු වන ආර්තවය දින 4 සිට 7ක් දක්වා පවතින අතර එහිදී රුධිරය මේස හැදී 4ත් 12 ත් අතර ප්‍රමාණයක් පිට වේ.

නිසි දිනට සිදු නොවන ආර්තවය

සමහර කාන්තාවන් මුළුමනින් ආර්තවය නිසි දිනට සිදු නොවන හෝ අක්‍රමවත් වේ. ඔබට දින කිහිපයක් හෝ දින ගණනාවක් හෝ අධික හෝ කුඩා ප්‍රමාණයේ රුධිර වහනය සහිත ආර්තවයක් හෝ පැවතිය හැක. මෙම තත්වය නිදන්ගත රෝග තත්වයක් නිසා හෝ ඖෂධ වල හෝ හැගීම් වල වෙනසක් නිසා හෝ සිදු විය හැක. බොහෝ අවස්ථාවල අක්‍රමවත් ආර්තවයට හේතුවන තත්වයන් විසදාලීමට හෝ ප්‍රතිකාර කල හැක.

ගර්භනි බව සහ ආර්තවය

නිසි දිනට ආර්තවය සිදු නොවීමට ගර්භනී බාවය පොදු හේතුවකි. ඔබ ගර්භනී නොවන්නට පුළුවන, එහෙත් විශ්වාසවන්තව දැන ගන්නා තෙක් ඔබ ගර්භනි බව සලකන්න. නිවසේදී කල හැකි ගර්භනී පරීක්ෂණ පළමු අදියර ලෙස භාවිතයෙන් ගර්භනි බව පරික්ෂා කර ගන්න. එය ඔබ ගර්භණී බවට පත්වී ඇති බවට දක්වයි නම් ඉදිරියට කලයුතු දේ ආරම්භ කරන්න. නිවසේදී කරන පරීක්ෂාව ගැබ් ගැනීමක් පෙන්වන්නේ නැති වුවද, පහත දැක්වෙන ලිපියේ ආකාරයට ලක්ෂණ පෙනේ නම් වෛද්‍ය පරීක්ෂනාගාරයකින් ගර්භණී පරීක්ෂාව කර ගන්න. අදාළ ලිපිය: ගර්භණී බවට පත්වී ඇති බව පෙන්වන ලකුණු පිලිබඳ දක්වන ලිපිය

ආර්තවය ඇති නොවීමට හේතු

ඔබ ගර්භනී නොවේ නම් නිසි දිනට සිදු නොවන හෝ අක්‍රමවත් ආර්තවය සදහා වෙනත් හේතු වේ. අධික ස්ථුලතාවය හෙවත් බර අධික වීම, ආහාර ගැනීමේ අක්‍රමවත් බව, චිත්තවේගී ආතතිය, රෝගී තත්වයන්, ගමන් මහන්සිය, හොමෝන ගැටළු, උපත් පාලන පෙති වැනි ඖෂධ, නිතර හෝ කලතිරකින් සිදුවන හෝ නිසි දිනට සිදු නොවන ආර්තවය සදහා හේතු වන අතර නීති විරෝධී ඖෂධ භාවිතය, ශ්‍රෝණිය සම්බන්ධ ගැටළු සහ මව් කිරි ලබාදීම ද මෙයට හේතු වේ. බොහෝ මව්වරු මව් කිරි ලබා දීම සම්පුර්ණ වන තුරු සාමාන්‍ය ආර්තවය ක්‍රියාත්මක නොවේ. ඉහත රෝගී ලක්ෂණ පවතී නම් නාරී හා ප්‍රසව වෛද්‍ය වරයකුට අමතරව කායික රෝග වෛද්‍ය වරයකුද හමුවන්න.

ආර්තවය නිසි දිනට සිදු නොවන විට හෝ අක්‍රමවත් විට කල යුත්තේ කුමක්ද?

ඔබට ආර්තවය මග හැරීම සිදු වුණි නම් නොසන්සුන් වන්න එපා. මානසික සහ ශාරීරික සමබරතාවය නිසි ආර්තව චක්‍රයක් පවත්වා ගැනීමට උදවු වේ. ආර්තවය නිසි දිනට සිදු නොවූ විට ඉවසීමෙන් යුතුව;

i) ඔබ පසුගිය සති කිහිපය තුල ලිංගික එක් වීමක් සිදු වූවානම් ගර්භණී භාවය සඳහා පරීක්ෂාවක් කරන්න

ii) ඔබ ලිංගික එක වීමක් වී නැතිනම් ඉහත සඳහන් කල අනෙකුත් හේතු පිලිබඳ විමසිලිමත් වී කායික හෝ නාරී රෝග වෛද්‍ය වරයකු හමුවන්න.

ඔබ ගැබ් ගෙන නැත්නම් ආර්තවය ඊලග මස සිට සුපුරුදු පරිදි සිදු වේ. නමුත් නොකඩවා මාස 3ක් ඔබට ආර්තවය සිදු නොවේ නම් සහ ඔබ ගැබ් ගෙන නැත්නම් වෛද්‍යවරයෙකු හමු වීම සුදුසු වේ. මෙය වෛද්‍ය ගැටලුවක්ද හැගීම් පිළිබද ගැටලුවක්ද යන්න දන ගැනීමට ඔහු විසින් ඔබගෙන් ප්‍රශ්න කරනු ඇත. බොහෝ ඔසප් නොවීම පිළිබද ගැටළු ස්වභාවිකවම හෝ වෛද්‍ය ප්‍රතිකාර සමග අවසන් වේ. එසේම ඔබට ප්‍රතිකාර වලින් පසුවත් ඔසප් වීමක් සිදු නොවුනි නම් වෛද්‍ය උපදෙස් ලබා ගැනීම වැදගත් වේ

……………….

This is a Sinhala Adaptation of “Missed or Irregular Periods”/ මෙය “Missed or Irregular Periods” ලිපියේ සිංහල අනුවාදයකි

……………..

මෙම ලිපිය ඔබට ප්‍රයෝජනවත් වුනානම් හෝ ඔබේ මිතුරියකට ප්‍රයෝජනවත් වේ යයි සිතනවානම්, කරුණාකර පහත ඇති “SHARE” ක්ලික් කිරීමෙන් එය බෙදා හදා ගැනීමට අමතක කරන්න එපා. තවද, මෙම ලිපිය පිළිබඳව ඔබේ අදහස්, යෝජනා සහ අනෙකුත් මවුවරුන්/කාන්තාවන් හට ප්‍රයෝජනවත් වන ඔබේ අත්දැකීම් පහත ලියා තැබීමටද අප ආරාධනා කරමු. ස්තුතියි!

……………..

මේ ලිපිය වැදගත් වේ යයි සිතන මිතුරු/මිතුරියන් අතර share කරන්න පහත icon ක්ලික් කරන්න

මෙම වෙබ් අඩවිය භාවිතා කිරීමෙදී අදාල කොන්දේසි සහ වෙබ් අඩවිය අදාලව වගකීම් ප්‍රතික්ෂේප කිරීම

මෙම වෙබ් අඩවියේ සඳහන් කරුණු ඔබව දැනුවත් කිරීම සඳහා පමණක් වන අතර, මෙම කරුණු පදනම් කරගෙන ඔබ විසින් යම් කිසි ප්‍රථිකාර ආදිය නොකළ යුතුය. ප්‍රථිකාර/ අහාර පාන ගැනීම/ ව්‍යායාම/ හැසිරීම් ආදී සියල්ල අදාළ ක්ෂේත්‍රයේ විශේෂඥ දැනුමක් ඇති වෛද්‍ය උපදෙස් පැතීමෙන් පසු පමණක් සිදු කරන්න.

අප ආයතනය සහ පාඨක ඔබ අතර වගකීම් ප්‍රතික්ෂේපනය කෙරෙන පිටුව පහත සබැඳියෙන් (URL/link) කියවිය හැක.

 

mathru.lk

mathru.lk

Inline
අළුත් ලිපි ගැන දැන ගැනීම සඳහා පහත ඇති "Like Page" ක්ලික් කරන්න. ස්තුතියි!
Inline
අළුත් ලිපි ගැන දැන ගැනීම සඳහා පහත ඇති "Like Page" ක්ලික් කරන්න. ස්තුතියි!